യഹോവായ്ക്കു എബ്രായ ഭാഷയും ബ്രഹ്മാവിനു പ്രാചീന സംസ്കൃതഭാഷയുമേ നിശ്ചയമുണ്ടായിരുന്നുള്ളോ?വേദം അപൌരുഷേയം എന്നു പറയുന്നതിനു വേദമന്ത്രങ്ങളുടെ എല്ലാററിന്‍റേയും കര്‍ത്താക്കന്മാര്‍ ആരെന്നു നമുക്കു നിശ്ചയമില്ലെന്നേ അര്‍ത്ഥമാക്കേണ്ടൂ. വേദപ്രതിപാദിതങ്ങളായ തത്വങ്ങള്‍ അപൌരുഷേയങ്ങളാണ് എന്നും അര്‍ത്ഥമാക്കാം.

നമ്മുടെ ഉപദേശസാരം അതുതന്നെയാണ്. ആലുവായില്‍ വെച്ചു കൂടിയ സര്‍വമത സമ്മേളനാവസരത്തില്‍ നാം അതു പ്രസ്താവിച്ചിട്ടുണ്ടല്ലൊ. രാജ്യങ്ങള്‍ തമ്മിലും സമുദായങ്ങള്‍ തമ്മിലുമുള്ള ശണ്ഠ ഒന്നു മറെറാന്നിനെ തോല്പിക്കുന്പോള്‍ അവസാനിക്കും. മതങ്ങള്‍ തമ്മില്‍ പൊരുതാല്‍ ഒടുങ്ങാത്തതുകൊണ്ട് ഒന്നിനു മറെറാന്നിനെ തോല്പിക്കാന്‍ കഴികയില്ല. ഈ മതപ്പോരിനു അവസാനമുണ്ടാകണമെങ്കില്‍ സമബുദ്ധിയോടുകൂടി എല്ലാ മതങ്ങളും എല്ലാവരും പഠിക്കണം. അപ്പോള്‍ പ്രധാന തത്വങ്ങളില്‍ അവയ്ക്കു തമ്മില്‍ സാരമായ വ്യത്യാസമില്ലെന്നു വെളിപ്പെടുന്നതാണ്. അങ്ങനെ വെളിപ്പെട്ടു കിട്ടുന്ന മതമാണ് നാം ഉപദേശിക്കുന്ന ""ഏകമതം''.